Executive Chairman Upa F. Lalremmawia chu April ni 17 Ningani khan Cheural Bial South Lungpher kohhran Good Friday hmanpui turin a zin chhuak a, General SS Department Chairman Upa Lalnuntluanga Sailo leh Khawthlang District Chairman Upa K. Rosangzuala te chuan a tawiawm. Executive Chairman hian Siaha Bial Siachangkawn leh New Siaha kohhrante a tlawh bawk dawn a, New Siaha kohhranah Easter Sunday a hmang ang.
General Superintendent Rev. P.Lalrinawma chuAN aPRILNI 17 'A LUNGNGAIH ZAN' khan Chawlhhmun kohhranah Sacrament rawngbawlna a nei. General Superintendent hi April ni 19 Inrinni hian Bilkhawthlir Bial Saiphai leh Saipum kohhran tlawh turin a zin chhuak a, Pathianni a cham ang a,April ni 21 Thawhtanni hian Aizawl a lo let leh dawn a ni.
General Secretary Rev. T. Laldingliana chuan Sacrament leh Ke sil rawngbawlna, April ni 17 ‘A lungngaih zan’ khan Sakawrtuichhun kohhranah a nei a, Easter Sunday hian Ainawn Veng kohhranah thuhril rawngbawlna a nei bawk ang.
General Treasurer Rev. Rokhuma chuan April ni 17 ‘A lungngaih zan ‘ khan Central Jail Veng kohhranah Sacrament a buatsaih a, Easter Sunday chu Sihhmui kohhrante a hmanpui thung ang.
Rev. Lalruatfela, Secretary General Missions Department chu April ni 17 Ningani khan Good Friday leh Easter Sunday hmanpui turin Kanghmun Bial Hreichuk panin a zin chhuak. Rev. Lalruatfela hi Thawhtanni hian Aizawl a lo let leh dawn a ni.
Rev. Lalngaizuala Secretary General SS Department chuan April ni 17 Ningani ‘A lungngaih zan’ leh Good Friday chu Nursery Veng kohhran a hmanpui a, Zirtawp zan atang khan Falkland kohhran a Pathian chawimawina ah thuhril rawngbawlna a nei bawk a, Easter Sunday zan thleng hian Speaker a ni ang.
Area Secretary Rev. C.Liansanga chuan April ni 17 ‘A lungngaih zan’ khan Rahsiveng kohhranah Sacrament rawngbawlna a nei a, Good Friday chhunah Chanmari kohhranah thuhril rawngbawlna a nei bawk. Area Secretary hian Easter Sunday chu Pukpui kohhran Rahsiveng Bial a hmanpui bawk ang.
Pastor Welfare
Mizoram UPC Pastor Welfare Committee chu an Chairman Rev.P.Lalrinawma GeneralSuperintendent kaihhruaina hnuaiah April ni 16 Nilaini khan Conference Hall-ah an thu khawm a, Puipa bakah Pastor 23 he hunah hian an tel.
Pastor Welfare Committee chuan kum 2025-2026 chhung atana Welfare Auditor tur an ruat a, Rev. R. Laldawngliana leh Rev. Thangliansanga te chu an ruat.
Pastor Welfare committee chuan Mizoram Universal Health Care Scheme enrollment chungchang an sawiho bawk a, tuna atan chuan la zirchian leh phawt tha an ti a, Pastor Chart siam thar chungchangte an rel bawk a ni.
Vehicle Board
Mizoram UPC Veichle Board chu April ni 14 Thawhtan Ni khan Committee Room General Headquarters Office-ah an thu khawm a, Board Chairman Upa Pc. Lalhmingliana’n a kaihruai.
Vehicle Board chuan General Sunday School Department Motor hman lai mahindra Bolero MZ 01-S-0546 hman lai mek chu a hlui tawh avangin General Ss dept.-in tih ral an dilna chu
Vehicles Board chuan an pawmpui a, Vehicles Rules hman mek chu ennawnin siam that ngai leh belh ngaite an sawiho bawk a, Mizoram UPC hnuaia Driver te tan intuaitharna hun June ni 27 Zirtawpni ah Conference Hall, Mizoram UPC, Zonuam ah neih an rel bawk a ni.
HMARTHLANG DISTRICT
Hmarthlang District Revival team lawm luhna leh tirhchhuahna inkhawm April ni Ni 9 Nilaini zan khan Kolasib Diakkawn Biak Inah hman a ni.
He hun hi Rev P.C Vanlalruata District Treasurer chuan a kaihruai a, Upa V.L Thafala District Secretary-in report a pe a, District hruaitute leh Revival team-te inhmel hriattirna a nei a ni.
Hmarthlang District hian Revival team pahnih (2)
Gideon revival team, speaker T. Upa Ezra Lalawmpuia, Saiphai khua Bilkhawthlir bial leh a thiante pathum bakah hian, Upa Lalramengmawia, Pangbalkawn Bairabi bial te chu rawngbawl turin a tir chhuak a ni.
Heng rawngbawltu tirhchhuah turte hi Rev. PC Laltanpuia, Diakkawn Bialtu Pastor chuan tawngtai sakna a nei a, Revival team speaker T.upa Ezra Lalawmpuia, Saiphai leh Upa Lalramengmawia, Pangbalkawn te hnen atangin thu sawi ngaihthlak a ni a, Upa T. Lalnunsanga District Chairman-in fuihna thu a sawi bawk a, Unaunu Mimi Vanlalhriati'n fakna hla sa a ni.
Hmarthlang District revival team tirhchhuah inkhawmah hian, Rev. Chawngkhuma District Superintendent hnen atangin fuihna thu chah ngaihthlak a ni bawk a, Revival team tirhchhuah inkhawm hi hmanpuitu an thahnem hle a, Rev. Lalthankima Venglai Bialtu Pastor in tawngtainain inkhawm hi a ti tawp a ni.
