GEN. HRUAITUTE RAWNGBAWLNA
Executive Chairman Upa F. Lalremmawia leh Upa Lalnuntluanga Sailo; Chairman, General S.S. te chuan Good Friday leh Easter Sunday kha Cheural Bial leh Siaha Bialte an hmanpui.
Good Friday hi Cheural Bial chhunga S. Lungpher leh Siachang-kawn kohhrante hmanpuiin Upa Lalnuntlanga Sailo, Chairman G. S.S. chuan thu hril rawngbawlna a nei a, Executive Chairman Upa F. Lalremmawia hovin Pathian thu hriat fiah loh neite tan inkawm hona hun an nei bawk.
Easter Sunday vuak vetah hian Inrinni ni 19 zan khan Executive Chairman chuan New Siaha East II Biak inah thuhril rawngbawlna a nei a, Pathianni chawhmaah New Siaha kohhranah hun hmang lehin Pathianni chawhnuah Pathian thu zirhona a kaihhruai.
General Treasurer, Rev. Rokhuma chuan April ni 25 khan Sakawrdai Bial inkhawmpui hmanpui turin Mauchar a pan a, inkhawmpuiah hian Speaker a ni ang. April ni 28 hian Aizawl a lo let leh ang.
Rev. Lalruatfela, Secre-tary General Missions Dept. chu Khawhai Bial Missions Dept. inkhawmpui hmanpui turin April ni 25 Zirtawpni khan a zin chhuak bawk a, April ni 28 hian Aizawl a lo let leh ang.
Rev. Lalngaizuala Secre-tary, General SS Dept. chu April ni 25 Zirtawpni khan Siaha kohhrana Pathian chawimawina hmanpui turin a zin chhuak a, April ni 28 hian Aizawl a lo let leh ang.
Join Meeting
General PYD leh L&PB te chuan April Ni 23 Thawhlehni Zan khan Dinthar Kohhran Committee Room-ah joint meeting an nei a. Kum 2025 chhunga “Thu leh hla Kutpui” buatsaih an rel.
BETHANI CHILDRENS HOME SOCIETY BOARD
Bethani Childrens’ Home Society Board chu April ni 23 Nilaini khan Committee room, Gen. Headquarters Office-ah an thu khawm a, Puipa ten an telpui. Board chuan Home Naupang Sponsorship an kalpui mek chu chhunzawm zel tha an ti a, naupang pakhatah kum khat chhung atan Rs.1,200/-a sponsor theih a ni. Board chuan Home sum leh pai dinhmun that tawk lohna tihziaawm dan turte an sawiho bawk.
