United Pentecostal Church
of Mizoram

General Treasurer Rev. Rokhuma chu May ni 5 Thawhtanni hian Lunglei Rahsiveng Bial leh Dumzautlang hmuna Apostolic Mission School tlawh turin a zin chhuak dawn a, Nilaini hian Aizawl a lo let leh ang.

Rev. Lalruatfela Secretary General Missions Dept. chu May ni 2 Zirtawpni khan W. Phaileng Bial Missions Dept. inkhawmpui hmanpui turin Phuldungsei panin a zin chhuak a, inkhawmpuiah hian Speaker a ni ang, Rev. Lalruatfela hi Thawhtanni hian Aizawl a lo let leh ang.

General Missions dept.

General Missions Dept. Executive Board chu April ni 30 Nilaini khan Board Chairman Upa Lalthlamuana Hnamte te in Chaltlangah an thu khawm a. Puipa ten an ho.

General Missions Dept. Executive Board chuan thawktute service ennawn an rel a, thawktu kaisanna atan Departmental Exam buatsaih an rel.

Executive Board chuan Area Co-Ordination Board Chairman ni lai Bial dangah sawn anih tak avangin, a aiawh tur an thlang a, Pastor Koko Lalmalsawma chu an ruat.

Heng bakah hian Nagaland Field Meziphema-ah leh Arunachal Field Seppa hmunah ram lei an rel a, General Board-in a lo rel tawh Thuthlung puanna chu September thla ral hmaa neih an rel bawk a ni.

Assembly Hall sak chhunzawm a ni.

Mizoram UPC Assembly hall sak mek chu, Assembly Centre & Pandal committee-te hmalakna leh enkawlna hnuaiah chak taka sak chhunzawm mek zel a ni a.

May ni 1 Ningani khan a ban chhun bul tan niin, Mizoram UPC General Superintendent Rev. P. Lalrinawma’n Assembly hall ban hmasa ber tur phumin hlanna a nei a ni.

PENSION THLAHNA

Tirhkoh V.L. Hmangaiha General Headquarters Office Staff chu Superannuation Pension-in a chhuak.

Mizoram UPC General Headquarters Office Staff, Tirhkoh V.L. Hmangaiha Office Assistant Grade II (Jr) chu May ni 1, Ningani khan Superannuation Pension-in a chhuak a. Amah thlahna inkhawm, General Headquarters Office Conference Hall-ah hman niin, General Superintendent Rev. P. Lalrinawma’n he hun hi a  kaihruai a ni.

Tirhkoh V.L. Hmangaiha thlahna inkhawmah hian Rev. Lalngaizuala Secretary, General SS Department chuan hunserh hmangin programme hlanna a nei a, General Secretary Rev. T. Laldingliana’n Pension a chhuak ta Tirhkoh V.L. Hmangaiha service record chhiar chhuahna neiin, thil pek hlanna General Treasurer Rev. Rokhuma leh Staff Welfare Treasurer H. Zomuani te chuan an nei bawk a ni.

Superannuation Pension-a chhuak ta Tirhkoh V. L. Hmangaiah hnen atangin thu sawi ngaihthlak a ni a, chhungkaw aiawh leh Staff zing atangin thu sawi ngaithlak a ni bawk.

Tirhkoh V.L. Hmangaiha hi kum 1960 khan Lungpho khuahah a lo piang a, Calvary Bible Institute Shillong-ah Bible zir zovin, kum 1994 May ni 25-ah Pastor hna a chelh tan a, Pastor hna a thawh chhung hian Bial 4, Baiarabi Bial, Mamit Bial, Lungpho Bial leh Hnahlan Bial a vawng hman a ni.

Kum 2012 January ni 1 khan Mizoram UPC ro relna sang chuan General Headquarters Office-a thu turin a la a. Office Assistant Grade II (Jr) niin a pension a ni.