United Pentecostal Church
of Mizoram

Live Crusade

Lawngtlai Area-ah Live Crusade Sept ni 12 & ni 13 hmang hian General Assembly ro rel bawh zuiin neih a ni dawn a, Lawngtlai New Vengpui Kohhran in an thleng ang.

Rev. Gospelthanga Secretary, Southern Zone chuan Lawngtlai a Live Crusade neih tur hi a telpui ang.

ATI

Apostolic Theological Institute-a zirlaite chuan Sept ni 12 Inrinni hian Pathian chawimawina an nei dawn a. Pathianni zan thelng hian revival programme an hman chhunzawm ang. Pathian chawimawina inkhawm hi Rev B Lalchhanhima Dean chuan a kaihruai ang a, Thuhril rawngbawl hna Inrinni chhunah Rev. C. Liansanga Inrinni zanah Tual Upa David Lalzara Fanai Pathianni zingah Rev HT Vanlalengmawia Pathianni chhunah Rev T Laldingliana leh Pathianni zanah Rev HC Lalthlamuana ten an thawk dawn a ni.

General Missions Dept.

General Missions Dept chuan September ni 16 Nilaini hian General Board, Conference Hall General Headquarters Office-ah an nei ang. General Missions Dept chuan Mizoram UPC House, Kolkata leh Mizoram UPC Flat, Kishangarh Delhi a mite chu mamawhtute hman theih atan a peih fel a, thlen man hi ni khat zel atan hetiang hian ruahman a ni. Mizoram UPC Puipa te leh General Missions Dept OB-te - Rs. 600 Mizoram UPC hnuaia thawktute - Rs. 800 Mizoram UPC member - Rs. 1000 Pawn lam mi mamawhtu an awm chuan Rs. 1000.

General LAD

General LAD Thupui Bu General Superintendent-in a tlangzarh. Dt.10.9.26 Vawiin Ningani chawhnu dar 2:00 khan General LAD Thupui Bu tlangzarh inkhawm Mizoram UPC Office Conference Hall-ah hman a ni a. He hun hi C. Renghlupuii President Gen LAD chuan kaihruaiin, Thupui Bu thlir lawkna Rev. C. Lalawmpuia, General Secretary-in a nei. General LAD Thupui Bu hi Rev. Ngurthanpara Sailo, General Superintendent chuan tlangzarhin , a hnen atang hian thu sawi ngaihthlak a ni bawk. Thupui Bu hi Upa F. Lalremmawia, Executive Chairman ziah niin, General LAD-in kum hnih chhung (2027-2028) Thupui atana a thlan ‘I Pathian tawk turin inpeih rawh’ Amosa 4:12 beh chhan a buatsaih a ni.

LITERATURE & PUBLICATION BOARD

L&PB Sept ni 4 Zirtawpni a thu khawm chuan Pentecostal Jubilee hming thlak tura rel fel tawh chu Executive Committee-ah sut leh tur a thlen an rel. L&PB thut khawm hi Board Chairman Rev. Hc Lalthlamuana’n a kaihruai a, Pentecostal Jubilee registration renew dilna, Press Registrar General of India-in a pawm tak avangin, kum chanve Executive Committee-in chanchinbu hming thlak tura a pawm tawh chu, sut leh tur ngenna thlen an rel a, a bu chhung siam rem rawtna an pawm bawk. L&PB chuan Danpui (Mizo) leh Rules Bu te chu copy 500 ve ve chhut belh leh an rel bakah, lehkhabu tihchhuah tur an thlirho a, kohhran Hla Bu chu Internet lama upload dan ngaihtuah tha an ti bawk a ni.

HMARCHHAK AREA

Hmarchhak Area hnuaia revival team, MATTHIA REVIVAL TEAM-te chu August Ni 22 atanga khan Bawngkawn Bial Edenthar Field vengah rawngbawl tur a tirh luh an ni a. Tirhkoh Anthony Lalhruaizela leh a thante hian Kohhran In tin te tlawh chhuakin,tawngtai rawngbawlna an nei thin a. An rawngbawlna kal zelah ni thar thar 3 bakah kohhran member ni sa pem thar mi pakhat an vain mi 4 te chu Edenthar Field veng kohhran a lawi turin Rev Zoramthara Bialtu Pastor chuan a lawm lut a ni. Matgtjai revibval Team-te rawngbawlna kal zelah September Ni 2 Zirtawp zan khan Member thar 1 chu Mizoram UPC ah lawm luh leh a ni.

TUCHANGRAL AREA

 Tuichangral area Committee chuan Tlangpui khua a khuarel chhiatna tawk Upa Engzamate tanpui sum an hlan. September ni 8 (Thawhleh) ni khan Tlangpui khua Upa Engzama te in, Sept. ni 7 Thawhtan zana ruahsur avanga Leimin in, an In a tih chhiat sak chu Tuichangral Area hruaitu te chuan a hmunah kalin tanpuina an hlan a, Hemi rual hian General Relief fund an hlan tel nghal ani. Tuiochangral Area hruaitute hi Ruantlang bialtu pastor Rev. Lalhmunngheta te nupa leh unaunu Chhingpuii ten an tawiawm a. Khawhai bialtu pastor leh bial hruaitu ten an tawiawm bawk a ni.